Izraelitët vazhdojnë bombardimet në Gaza, mijëra palestinezë largohen nga shtëpitë e tyre
Sipas Organizatës së Kombeve të Bashkuara, rreth 10,000 palestinezë janë detyruar të largohen nga shtëpitë e tyre në Rripin e Gazës, ndërsa numri i të vdekurve nga sulmet izraelite në zonë është rritur në 122.
Sipas mediave të huaja, 122 persona përfshirë 39 fëmijë, kanë humbur jetën që nga e hëna. Numri i të plagosurve ka arritur në 900 dhe qindra familje palestineze janë strehuar nëpër shkolla.
Ndërkohë, ushtria izraelite thotë se qindra raketa janë qëlluar nga Gaza në vende të ndryshme në Izrael dhe ka shtuar përforcime pranë territoreve lindore të enklavës.
