Italia mund të themi se është goditur tashmë nga vala e dytë e pandemisë së koronavirusit.
Autoritetet shëndetësore raportojnë një rritje të rasteve ditore në shifra që nuk ishin raportuar që prej muajit Maj.
Italia ka regjistruar 1071 raste të reja me COVID-19 në 24 orë nga 77 mijë testime të kryera, duke kaluar shifrën prej 1000 rasteve në ditë për herë të parë që nga muaji Maj që kur qeveria lehtësoi masat e ashpra të bllokimit.
Një nga vendet më të goditura në Europë me mbi 35,000 vdekje ka arritur ta menaxhojë shpërthimin e virusit pas kulmit të vdekjeve dhe rasteve të reja që u shënuan në mes muajve Mars dhe Prill.
Megjithatë, Italia ka regjistruar një rritje të vazhdueshme të rasteve me COVID-19 gjatë muajit të kaluar për të cilën gjë ekspertët shëndetësorë fajësojnë pushimet dhe jetën e natës që kanë nxitur grumbullime të njerëzve.
Pavarësisht rritjes së infeksioneve, shifra ditore e vdekjeve mbetet relativisht e ulët dhe njëshifrore – të Shtunën janë regjistruar tri vdekje, të Premten nëntë dhe të Enjten gjashtë.
Aktualisht, në vendin fqinj, në total janë shënuar 35,460 viktima nga Covid-19, dhe 258,136 të infektuar.
Të shëruar janë 205,203 ndërsa raste aktive janë 17,5
