Ish- dhëndri i Qazim Sejdinit rrëfehet për vrasjen e shokut të tij

Sokol Sanxhaktari, dhëndri i ish kreut të Bashkisë së Elbasanit, në dëshminë paraprake të tij ka pretenduar se me viktimën Florian Lamçja ka pasur miqësi dhe se nuk e kupton se si ka nisur sherri.
Megjithatë, Lamçja i cili nuk arriti ti mbijetonte plagëve të marra është goditur disa herë me shishe qelqi dhe sende të tjera të forta që ishin në ambinetet e lokalit. Mënyra se si ai ka humbur jetën,bënë që policia ta referojë ngjarjen me akuzën e “Vrasjes me dashje”.
Ndërkohë, në sherrin ku mbeti i vrarë Florian Lamçja, është përdorur edhe një armë zjarri. Burime i thanë Syri Televizion se viktima 30-vjeç ka qëlluar rreth 3 herë me armë zjarri, por pa objektiv, në ajër në momentin që lokali ishte I mbyllur. Duket se pas kësaj ka nisur dhe sherri mes tre miqëve, Sokol Sanxhaktarin, Ardiano Hajdari dhe Lamçes, i cili ka marr plagë të rënda nga gjuajtjet me shishe e sende të tjera të forta.
Ndërkohë në dëshminë e tij, Sokol Sanxhaktari, dhëndëri I ish kreut të Bashkisë Elbasan,është shprehur se ata kanë qenë bashkë gjatë mbrëmjes dhe i mëshon faktit që kanë qenë të dehur. Disa orë para ngjarjes, 30-vjeçari I mbeturi i vrarë ka hedhur edhe foto me dy miqtë e tij në rrjetin social facebook. Gjatë të shtunës, pritet që dy të arrestuarit të dalin para gjykatëspër tu përballur me akuzën e “Vrasjes me dashje” e kryer në bashkëpunim.