Të paktën 36 persona kanë mbetur të vrarë gjatë protestave agresive në Iran, të ciat nisën pas vdekjes së 22 vjeçares, Mahsa Amini.
Pamjet e publikuara tregojnë protestuesit duke djegur imazhet e liderit suprem Ali Khamenei dhe komandantit të ndjerë të Gardës Revolucionare Qassem Soleimani. Teksa edhe gratë dhe vajzat kanë djegur shamitë e tyre mbuluese në shenjë revolte.
Si kundërpërgjigje, forcat e sigurisë kanë qëlluar pa dallim me armë, dhe kanë përdorur gaz lotsjellës thaAmnesty International dhe grupe të tjera të të drejtave të njeriut.
Demonstruesit kanë hedhur gurë ndaj Policisë dhe u kanë vënë zjarrin makinave të tyre, duke brohoritur me parulla anti-qeveritare.
Kujtojmë se 22 vjeçarja Mahsa Amini, vdiq javën e kaluar pas arrestimit nga Policia për mosmbajtjen e shamisë, ndërsa vdekaj e saj shkaktoi zemërim në mbarë vendin.
