Greqia pret 700 mijë vaksina nga BE-ja këtë dhjetor.
Ministri i shëndetësisë greke tha të martën se shpresonin që vaksinat e para COVID-19 t’i merrnin në dhjetor, falë një marrëveshjeje që ka firmosur BE me një industri farmaceutike.
“Nëse çdo gjë shkon siç duhet, Greqia do të marrë shtatë dërgesa. Do të fillojmë në dhjetor me 700 mijë doza”, tha ministri i shëndetësisë, Vasilis Kikilias.
Dërgesat e vaksinave do të vazhdojnë nga dhjetori deri në qershor.
Komisioni Europian njoftoi këtë të premte se kishte arritur marrëveshje me grupin farmaceutik, AstraZeneca.
Marrëveshja do të lejojë që BE të blejë vaksinat për COVID-19 dhe t’i dhurojë për vendet me të ardhura mesatare e të ulëta, ose t’i drejtojë edhe në vende të tjera të Europës, jashtë BE-së.
Komisioni ka deklaruar se pasi të vërtetohet se vaksina është e sigurt dhe e dobishme, ata do të blejnë 300 milionë doza fillimisht, me mundësinë e hapur dhe për 100 milionë të tjera në vazhdim.
Në Greqi janë shtuar rastet me COVID-19 në ditë e fundit. Vendi numëron më shumë se 7200 raste në total, por 2800 ihin vetëm në gusht. 230 persona kanë humbur jetën deri tani nga coronavirusi.
Autoritetet thonë se rastet janë shtuar për shkak se baret e restorantet nuk kanë respektuar masat e distancimit social.
Kryeministri grek ka njoftuar se do të shtohen masat kufizuese, por që nuk do të kenë pasoja ekonomike.
