Është gjendur 14 vjeçarja që rezultonte e humbur prej disa ditësh në një qytet tjetër të shqiërisë. Gjetja e saj është bërë e mundur pas publikimit të fotos nga ana e familjarëve.
Ergita Liço, 14- vjeçarja që prej tre ditësh rezultonte e zhdukur është gjetur në Fushë Krujë mbrëmjen e sotme. Newsalbania.al mëson se e mitura, që u denoncua dhe kërkohej dëshpërimisht nga familjarët, është kapur në një banesë në Fushë Krujë.
Miklovan Liço, babai i 14-vjeçares Ergita, ka qenë personi që e ka gjetur të bijën në Fushë Krujë, pasi është lajmëruar përmes një telefonate. Persona të paidentifikuar e kanë parë adoleshentën dhe kanë telefonuar të atin.
Pamjet e publikuar nga Report TV, tregojnë shtëpinë, se sipas Miklovan Liços, babait të të miturës, vajza e tij është mbajtur me forcë. Ai shprehet se nuk i njeh personat dhe nuk u di as qëllimet, por që vajzën ia kanë mbajtur në një banesë të braktisur kundrejt dëshirës së saj. “Vajzën ma mbanin në një shtëpi të vjetër, të braktisur nuk e linin të dilte jashtë. Nuk e di kush janë personat apo qëllimet,”- rrëfen babai.
