Një aksident është regjistruar pasditen e sotme në fshatin Panorc të Gjakovës ku ka mbetur viktimë një 22-vjeçar.
Lajmin e ka konfirmuar zëdhënësi i policisë për rajonin e Gjakovës, Sheremet Elezaj i cili u shpreh se ngjarja u regjistrua rreth orës 12:30 ku makina të cilën drejtonte i riu humbi kontrollin dhe ka dalë nga rruga.
“Rreth orës 12:30 është raportuar aksident trafiku në fshatin Panorc – Gjakovë. Policia ju ka përgjigjur rastit, ku ngasësi i një automjeti dyshohet të ketë humbur kontrollin mbi automjetin dhe është vet-aksidentuar.
Për pasojë ngasësi (mashkull i lindur në vitin 2001) ka humbur jetën, vdekjen e të cilit e ka konstatuar ekipi mjekësor në QKMF Malishevë”, tha Elezaj.
