Për ju të epokës së gurit e Kanunit që thoni “kush e di ca kanë bërë” apo “po vrave të vrasin”.
A e dini se në çfarë shekulli jetoni? Sistem i kalbur në gjenezë. Po e shkele ligjin vete në burg, po vrave dënohesh…pikë. (të paktën kështu duhet të funksionojë).
Kur gjykata të lë të lirë, të nxjerr të pafajshëm kush e ka fajin?
Kush e ka fajin që në mes të Vlorës njerëz me precedent penal lëvizin të armatosur me kallash?
Kush e ka fajin që për mungesë të policisë e drejtësisë bëhet vetëgjyqësi?
Policia të na tregojë se si eksponentë të njohur të krimit lëvizin me armë, madje i japin edhe urdhra shefave.
Gjykata të na tregojë se pse ata djem që sot humbën jetën u lanë të lirë. E na thoni se çfarë mund ti thoni atyre nënave që sot u mbyllët derën.
Por shteti ka rënë… që kur i madhi iu drejtua popullit me “të hanë kokat e tyre”.
Sot u vranë dy djem të rinj dhe fajin e ka policia e gjykata bashkë.
