Producenti dhe aktori i njohur francez Alain Delon ka ndërruar jetë në moshën 88-vjeçare dhe lajmin e kanë konfirmuar fëmijët e tij për AFP.
“Alain Fabien, Anouchka, Anthony, si dhe Loubo (qeni i tij) , janë thellësisht të pikëlluar të njoftojnë ndarjen nga jeta të babait të tyre. Ai ndërroi jetë i qetë në shtëpinë e tij në Douchy, i rrethuar nga tre fëmijët dhe familja e tij”, thuhet në deklaratë.
Ai ka qenë në gjendje të keqe shëndetësore që pasi pësoi goditje në tru në vitin 2019.
Alain Delon njihet si një nga aktorët më të shquar evropiane të viteve 1960, 1970 dhe 1980 dhe ka fituar disa çmime.
