Për shumë aktorë skenat intime në një film janë situata më e vështirë me të cilën ata duhet të përballen. Kjo ka ndodhur edhe me aktoren Salma Hayek.
Salma ka rrëfyer gjatë një interviste se sa i vështirë ka qenë për të momenti ku duhet të xhironte skenën intime me aktorin Antonia Banderas në filmin Desperado në vitin 1995.
Aktorja ka treguar se skena intime u kërkua nga regjisori pasi kishte parë kiminë që dyshja kishin me njëri-tjetrin, por për aktoren ky ishte një moment i tmerrshëm dhe i sikletshëm.
Salma u shpreh se teksa mundohej të xhironte vetëm qante.
“Antonio u soll si një kavalier i vërtetë dhe shumë mirë dhe ne jemi ende miq të mirë. Por ai ishte shumë i lirshëm. Kështu që, kjo më trembi, duke qenë se atij kjo skenë i dukej asgjë. Dhe kjo më trembi, sepse unë nuk kisha qenë kurrë në një situatë të tillë. Dhe fillova të qaja dhe ai më thoshte ‘Oh Zot, po më bën të ndihem shumë keq’. Pastaj më vinte turp që po qaja. Unë nuk e lëshoja peshqirin. Ata përpiqeshin të më bënin për të qeshur. Unë e hiqja peshqirin për dy sekonda dhe filloja të qaja përsëri. Por ne e kaluam atë. Ne bëmë më të mirën me atë që mund të bënim në atë kohë”, ka treguar aktorja në intervistën e saj.