Hodhi ish gruan nga ballkoni, arrest me burg 47 vjecarit.
Gjykata e Fierit ka dhene masen “Arrest me Burg” per 47 vjecarin Saimir Rrapollari i cili pasditen e 25 korrikut keqtrajtoi dhe hodhi nga kati i dyte i baneses se saj ish bashkeshorten e tij, 38 vjecaren Elisjona Sulejmani.
Gjyqtari Piro Sota ka vendosur masen “Arrest me burg” per 47 vjecarin, mase e kerkuar edhe nga prokurori Dorjan Tafili.
Mesohet se 47 vjecari ka deklaruar se ish bashkeshortja e tij ka sajuar gjithcka. Ai ka shtuar se ka shkuar ne shtepi per te marr vazjen pasi ka nenen e semure. Sipas tij Ish bashkeshortja eshte hedhur vete nga ballkoni ndersa vajza e mitur eshte manipuluar nga e ema.
Ngjarja ndodhi pasditen e 25 korrikut ne lagjen “1 maj” te qytetit te Patosit, ku prej tre muajsh jetonte me qira 38 vjecarja, sebashku me dy vajzat e saj minorene.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin Saimir Rrapollari 47 vjeç, banues në Kurian, Roskovec, dhe arrestini i këtij shtetasi u bë pasi gjatë ditës së shtunes në Patos, ka hyrë në shtëpinë e ish bashkëshortes së tij pa pëlqimin e saj, e ka keqtrajtuar dhe e ka rrëzuar nga kati i dytë i banesës. Shtetasja Elisjona Sulejmani 38 vjeçe, ishte e paisur me urdhër mbrojtje nga Gjykata. 38-vjeçarja qëndroi në Spitalin Rajonal Fier nën kujdesin e mjekëve, pas plagëve të marra. Mbi 47 vjecarin rendojne veprat penale “Vrasje për shkak të marrëdhënieve familjare” e mbetur në tentativë, “Dhunë në familje”, “Veprime në kundërshtim me vendimin e Gjykatës”, “Dhunimi i banesës” dhe “Shkatërrimi i pronës”.
