Shkoi të peshkonte një javë më parë në lumin Vjosë dhe u zhduk, gjendet i mbytur 63 vjeçari në Fier
Fier-Gjendet pas disa ditësh kerkime trupi i pajetë i 63-vjecarit Engjëll Kanani i cili dyshohej se kishte rënë ujërat e lumit Vjosë teksa po peshkonte.
Kërkimet e policisë kanë bërë te mundur gjetjen e trupit të tij në vendin e quajtur “Bunac”, në fshatin Kafaraj.
Sipas njoftimit të policisë në trupin e 63-vjeçarit nuk janë gjetur shenja dhune.
Fier Policia
Në vijim të informacionit të dhënë më datë 18.01.2025, për shtetasin E. K., 63 vjeç, i cili humbi kontaktet me miqtë e tij, me të cilët kishte shkuar për peshkim në lumin Vjosa, më datë 16.01.2025, bëjmë me dije se:
Si rezultat i kërkimeve të vazhdueshme, të kryera gjatë këtyre ditëve, në territorin e fshatit Kashishtë, në zonën përreth dhe në ujërat e lumit Vjosa, nga shërbimet e Policisë së Fierit dhe polumbarët e RENEA-s, ditën e sotme, u gjet trupi i pajetë i shtetasit E. K., në vendin e quajtur “Bunac”, në fshatin Kafaraj.
Nga këqyrja paraprake e trupit të 63-vjeçarit, nuk janë konstatuar shenja dhune.
Grupi hetimor, në drejtimin e Prokurorisë së Fierit, vijon hetimet për zbardhjen e rrethanave të rastit.
