Antanota Dhima deputete e Qarkut Fier për të parë nga afër ecurinë e çmimeve ka vizituar sot një pikë shitje të bukës dhe produkte të tjera konsumi: “Me miratimin e Paketës së Rezistencës Sociale qeveria shqiptare ka marrë masa që rritja e çmimeve e cila ka ardhur nga lufta midis Rusisë dhe Ukrainës të mos dëmtojë kryesisht shtresat në nevojë.
Vijojmē të monitorojmë nga afër biznese të cilat ofrojnë prodhim dhe tregtim buke në lagjen “1 Maji” dhe lagjen “ Kastriot “ në Fier si dhe për t’u informuar me çmimet, masat dhe politikat mbështetëse që janë ndërmarrë nga qeveria për përballimin e pasojave që ka sjellë kjo luftë kryesisht mbi mallrat e konsumit.
Me aktin normativ të miratuar nga qeveria do kompensojmë me 30 mijë lekë në muaj, për tre muaj rresht, rritjen e çmimeve të shportës për pensionistët që marrin më pak sesa gjysma e pagës minimale, pensionistët e invaliditetit, pensionistët që jetojnë vetëm, persona me aftësi të kufizuar, paraplegjikë, tetraplegjikë apo të verbër dhe të gjitha familjet e skemës së ndihmës ekonomike.
Në fakt efektet e rritjes së çmimeve të shportës nuk i ndjejmë të gjithë njëlloj, prandaj shtresat në nevojë duhen ndihmuar direkt me një mbështetje cash, aq sa është edhe efekti i rritjes së çmimeve të shportës” citon ajo në faqen e saj zyrtare të komunikimit
