3 Maj- Festa e fisit METHASANI NJOFTIM
Festa e fisit Methasani do ta ruaj traditën e saj të pérvitshme, por ndryshe nga dy vitet e tjera, këtë herë data e festës do të jetë 3 maj, ditë e shtunë ora 12.00 dhe jo 6 maj siç ka qënë. Vendi mbetet i njejtë, tek kompleksi sportiv “Methasani”, që ndodhet në hyrja të fshatit Sohodoll. Ndryshimi i datës nga organizatorët është bërë për arsyen e djemve dhe vajzave që vijnë nga jashtë, veçmas grupi i Venecias të cilët janë shumë aktiv në realizimin e kësaj feste dhe dëshironin të ishte fundjavë. Jeni të mirpritur, çdokush që i takon fisit Methasani. Festa ka qëllim bashkimin dhe njohjen me njëri-tjetrin, çmalljen, respektin e ndërsjelltë, argëtimin, kujtimet dhe mesazhet njerëzore që përcillen tek brezat. Në ditën festive nuk do të mungojnë edhe surprizat, por dhe atmosfera brilante, që nga babai im 90-të vjeçar e deri tek fëmija i porsalindur. Mesazhi është i qartë, të jemi të bashkuar dhe solidarë ashtu si kemi qënë deri më sot.
Jeni të mirë se ardhur!
