Fakte/ Natasha Mulaj (Haklaj) e KPA-“Venting”, ka fshehur 7 dosje lidhjesh familjare me krimin
Kujtesë kryesisë së Kuvendit dhe ONM, për ish-kryetaren dhe anëtaren aktuale KPA, përzgjedhur e emëruar në atë detyrë në mos plotësim të 10 kritereve ligjore dhe falsifikime të dhënash personale e zyrtare; ndërkohë që është ish-bashkëshorte dhe familjare e 2 prej pjestarëve të grupit Haklaj, që kanë inskenuar vrasjen e Azem Hajdarit dhe motër e 4 personave me dosje penale ende në proces, 1 me masë hetim në paraburgim
Sipas tabelës së shpalljeve zyrtare në Bashkinë-Tiranë, anëtarja e KPA-Komisionit të “Veting”, Natasha Mulaj, është e skeduar për mashtrime financiare me kredi bankare dhe për fshehje-falsifikim të sigurimeve shoqërore të punonjësve; kur punonte në bizneset e ndërtimit të vëllezërve të saj, Vladimir e Admir Mulaj.
Pas marrjes së kredisë, debitorja Natasha Mulaj i është shmangur bankës për detyrimin 5 mijë e 25 Euro dhe 22,793 lekë, duke ndryshuar 4 adresa banimi e pune me letra false; deri sa banka e është detyruar të kërkojë ndihmë nga shërbimi përmbarimor.
Në pamundësi për të gjetur adresën e banimit të saj edhe me polici, shërbimi përbarimor ka bërë njoftimin në këndin “Shpallje publike” pranë Bashkisë-Tiranë.
Mirëpo anëtarja e KPA-Komisionit të “Veting”, Natasha Mulaj, po nga e njëjta zyrë përmbarimi, po kërkohet me shpallje publike në Bashkinë e Tiranë; dhe nga Inspektoriati i Punës-Dega Tiranë, për vlerën 749 mijë e 522 lekë të reja, si ndëshkim për mashtrime me sigurimet shoqërore të punonjësve, kur ishte ekonomiste-juriste në biznesin “Albit Diabra-Shpk” të familjarëve të saj.
Por çuditërisht, Natasha Mulaj (Haklaj) vazhdon të jetë anëtare e KPA, Komisionit që pastron drejtësinë nga prokurorët dhe gjyqtarët e korruptuar e të lidhur me krimin.
– Në vitin 1994, vëllai i saj Ilir Mulaj, ka vrarë në Tropojë, shtetasin Zeqë Neza, duke u dënuar 23 vite burg në mungesë, ndërkohë që krimin ka tentuar ta fshehë duke zhdukur provat, vëllai tjetër Vladimir Mulaj, ish-oficer i policisë kriminale në Tropojë.
– Më 22 qershor 1997, është vrarë në atentat Sokol Haklaj, bashkëshorti i Natasha Mulaj, familjarë dhe pjesë e grupit “Haklaj”.
– Më 12 shtator 1998, vëllai i saj Vladimir Mulaj, me detyrë shef juridik në PD, dhe Izet Haxhia e vjehrri i saj Elez Haklaj, kanë qenë pjesë e skenarit dhe grupit që ekzekutoi Azem Hajdarin.
– Me Vendim nr. 10, datë 20.01.2016 të Gjykatës së Lartë, është provuar se Vladimir e Admir Mulaj, dy vëllezërit ndërtues të komisoneres Natasha Mulaj, i kanë grabitur me presion e gjobë “të fortësh”, 205 mijë Euro, italianit Silvio Allamandi, administrator i shoqërisë “Inisiativa Hidroelektrike Shqiptare” sh.p.k (HEC-Bushtrica).
– Mesnatën e 1 janarit 2019, në vilën e vëllait ndërtues e pronar universiteti në Tiranë, Vladimir Mulaj, u vendos eksploziv. Policia ndoqi 3 pista të “pista”: Ndërmjetësimin e tij për të nxjerr Azemin në pritën e kunetërëve Haklaj; mashtrimet me biznesin e troje-pallateve dhe 5 dosje pazare trafiku armësh Tropojë-Kosovë, kur ishte Oficer Policie Kriminale në Tropojë.
– Në datën 9 dhjetor 2019, ndërtuesi Admir Mulaj, vëlla i komisioneres Natasha Mulaj, u denoncua në prokurori nga importuesi i bananeve, Eduard Dauti; për skemë mashtrimi 241 mijë Euro blerje apartamenti, firmosur nga Natasha Mulaj, si ish-menazhere e firmës.
– Më 21 shkurt 2020, së bashku me ortakun e Geron Xhafës në trafikimin e drogës, Gramoz Murataj; është arrestuar e lënë në burg për lojëra fati të paligjshme në Tiranë edhe Elvis Mulaj, vëllai komisioneres së “Veting”, Natasha Mulaj.
PYETJE PËR KUVENDIN DHE ONM-SHBA/ – A duhet të vazhdojë Natasha Mulaj në detyrën komisionere e Apelit të Veting; kur përveçse nuk plotëson asnjë kriter dhe mashtron bankat e institucionet ligj-zbatuese të shtetit, ka dhe këto “njolla”, të cilat ajo i ka fshehur qëllimisht?!/Pamfleti
