‘Guximtari’ Redjan Krali! Kryetari i Bashkisë Kavajë sfidon Ramën, firmos për zaptimin e vijës bregdetare, biznesmeni Dervishi: Erdhën vunë lodra
Ne redaksinë e emisionit Boom është drejtuar z. Isa Dervishi i cili ka një biznes privat në Golem të Kavajës dhe prej 20 vitesh paguan të gjitha detyrimet tatimore në shtet. Por çfarë ka ndodhur? Para disa ditësh një individ i shoqëruar nga policia e shtetit dhe policia bashkiake e Kavajas kanë shkuar para biznesit të zotërisë për të zaptuar rërën me lodra të përmasave të mëdha.
Vendimi i Bashkisë Kavajë vjen menjëherë pas urdhrit të prerë që dha kryeministri Rama për lirimin e vijës bregdetare. Isa Dervishi: Unë jam biznes dhe paguaj pjesën e rërës për të vendosur shezlonge. Kam 20 vite që paguaj. Vjen një person bashkë me policinë dhe thotë do ta zë ketë hapësirë. Thonë që i ka dhënë leje bashkia? Po lejen nuk e jep bashkia se aplikohet online te Agjencia Kombëtare e Bregdetit. Kush ia dha ketë leje kur aplikimi nuk ka filluar?
Vetëm pak dite më parë kryeministri dha urdhër për lirimin e hapësirave publike në vijën bregdetare. Po çfarë po bën bashkia e Kavajës? Pikërisht të kundërtën, jep leje për tu zaptuar vija bregdetare aty ku njerëzit shkojnë për rërën kurative. Por mbi te gjitha Bashkia Kavajës nuk ka tagerin ligjor për të dhënë leje për shfrytëzimin e vijës bregdetare se këtë e bën Agjencia Kombëtare e Bregdetit me aplikim online dhe bashkia është palë në këtë marrëveshje. Ndërkohë, policia e shtetit dhe bashkiake tentojnë me force për të vendosur lodrat në vijën bregdetare dhe të zaptojnë rërën.
Gazetarja e BOOM shkoi shkoi në Bashkinë e Kavajës për të pyetur se kush e ka firmosur këtë leje. Në Bashkinë e Kavajës ajo pyet se kush firmosur leje, por në bashki shprehen se duhet dërguar kërkesë me shkrim për një informacion të tillë. Përpos faktit që nuk jepet asnjë informacion, as polici te dera nuk e lejon gazetaren të ngjitet lart për të marrë një shpjegim. Kjo nuk është hera e parë që bashkia e Kavajës nuk i jep informacion emisionit BOOM.
Në momentin e parë që shihet se BOOM është aty për të marrë informacion menjëherë vendoset një polic te dera. Ju rikujtojmë para disa kohesh BOOM ka sjellë fakte se si u bë kryeministri qesharak në sytë e të gjithë shqiptarëve kur ai akuzoi ish-kryebashkiakun demokrat për një leje ndërtimi të një pallati në qendër të Kavajës, por që e kishte dhënë kryebashkiaku socialist. Por BOOM nuk do ta lërë me kaq këtë çështje dhe ditën e nesërme do të sjellë detaje të tjera.
Marrë nga OraNews
