Facebook ndalon mohimin e Holokaustit/ Flet Zuckerber: T’i tërheqësh linjat e duhura midis asaj që është dhe asaj që nuk është duket ekuilibër i bukur

Pronari i rrjetit social Facebook Mark Zuckerberg, në një deklaratë ka thënë se do të ndalojë postimet që mohojnë ose shtrembërojnë Holokaustin(gjenocidi që i ndodhi çifutëve në luftën e dytë botërore). Ai u shpreh se njerëzit që do të kërkojnë informacione për atë do t’i drejtojë ata në burimet autoritare.
  “Nëse njerëzit kërkojnë për Holokaustin në Facebook, ne do të fillojmë t’ju drejtojmë te burime autoritare, për të marrë informacione të sakta”, tha Mark Zuckerberg.
Zuckerberg gjithashtu tha se është munduar për të mbrojtur fjalën e lirë të njerzve dhe për të kufizuar postimet me përmbajtje urrejtje.



“T’i tërheqësh linjat e duhura midis asaj që është dhe nuk është e pranueshme, nuk është e thjeshtë, por në gjendjen aktuale të botës, unë besoj se ky është ekuilibri i duhur”, shtoi ai.
Ndërkohë që disa ditë më parë Facebook njoftoi se do të fshijë çdo faqe ose grup që do të shpërndajnë teori konspirative në lidhje me drejtimin e botës. Gjithashtu edhe instagrami do të bëjë të njëjtën gjë.