Kryebashkiaku I Tiranës Erion Veliaj ka premtuar se javën tjetër nis ndërtimi i 870 shtëpive të dëmtuara nga tërmeti i nëntorit. Ndërsa ka shprehur se gjatë verës do të detajohet projekti I Teatrit të ri.
“Sigurisht, bashkë do të bëjmë edhe Teatrin. Do të fillojmë shumë shpejt nga puna. Arkitektët do të shfrytëzojnë kohën e pushimeve, që të detajojmë projektin, pastaj kur të rifillojë jeta në shtator, të kemi filluar edhe atë kantier të ri”
Kreu i Bashkisë së Tiranës, Erion Veliaj tha se duke filluar nga java e ardhshme, do të rinisë punën për ndërtimin e 870 shtëpive të dëmtuara nga tërmeti, që goditi vendin tonë vjeshtën e vitit 2019.
Por, lajmet më të mira do t’i kemi javën tjetër, me ndërtimin e 870 shtëpive të reja, sapo të mbarojmë me të gjitha procedurat për ofertat. Mandej, do të shpërndahemi në të gjithë territorin që të shfrytëzojmë kohën gjatë verës.
Veliaj e dha lajmin nga Pezë Helmesi, ku i dorëzoi çelësat e banesës së re familjes Kalleshi.
