Organizata Botërore e Shëndetit së fundmi ka pranuar se ka prova të reja që koronavirusi mund të përhapet nga grimca të vogla që rrinë pezull në ajër.
Reagimi erdhi pas publikimi të të një letre të hapur nga më shumë se 200 shkencëtarë të cilët thonë se ky virus mund të transmetohet edhe nëpërmjet ajrit.
Gjithsesi, që kjo të vërtetohet zyrtarisht duhet ende kohë dhe prova, është shprehur të martën Maria Van Kerkhove, udhëheqësja teknike për pandeminë në OBSH.
Nga ana tjetër, një specialist i sëmundjeve infektive ka deklaruar se vendosja e disa brejtësve në një aeroplan mund të jetë një mënyrë për të parë nëse koronavirusi mund të përhapet përmes ajrit.
Profesori Epidemiolog David Heymann tha se “studime të mëtejshme komplekse” janë të nevojshme për të parë nëse njerëzit mund ta marrin koronavirusin përmes ajrit që qarkullon në aeroplanë ose përmes sistemeve të kondicionimit të restoranteve.
Ai tha se shkencëtarët mund të përdorin studime për kafshët për të provuar përhapjen e mundshme të sëmundjes, një qasje e përdorur më parë për hulumtimin e tuberkulozit.
Prof Heymann argumentoi se “treguesit epidemiologjikë” në disa vende ku njerëzit mund të lëviznin në publik nuk tregojnë për një “transmetim të shtuar” që mund të ndodhë nëse virusi përhapet me anë të ajrit
