Enti Rregullator i Energjisë, “rregullon” tenderin 244 milionë lekë, për “relaksimin” e zyrtarëve gjatë punës
Dokument, që tregon se si drejtorët e pushtetit qëndror, nën statusin institucioneve të pavarura, përlajnë miliona nëpërmjet qokave me taksat e shqiptarëve.
“Ustallarët” e Entit Rregullator të Energjisë Elektrike (ERRE), që përveçse me pagat e tyre të larta, zhvasin financat e shtetit me pazaret e import-eksportit dhe çmimin e energjisë elektrike, kanë sajuar një lloj tenderi tjetër të çuditshëm.
Sipas njoftimit zyrtar, më 31 maj 2021, ky ent shtetëror ka tenderuar vetëm me 1 firmë pjesëmarrëse dhe me vlerë kontrate 244 milionë e 741 mijë lekë të vjetra, me objekt shërbimi: “Mbarëvajtje e punës në institucion, për aksesin e punonjësve gjatë punës”.
Vlera e tenderit kuptohet që është sa 99% e fondit limit, por nuk është sqaruar asgjë teknike e logjike, se çfarë është ky lloj shërbimi në zyra, që quhet “mbarëvajtje e punës, për aksesin e punonjësve gjatë punës”!
Pas interesimit në zyrat e ERRE, mësuan se bëhet fjalë për krijim mjedisi me relaks të plotë e konfidencal, që punonjësit të kenë akses dhe eficencë sa më atë lartë gjatë orarit zyrtar.
Ndoshta, efiçena e lartë e punonjësve, na e çon më lartë çmimin e blerjes së energjisë në import e nga HEC-et private të oligarkëve; por dhe rritjen e çmimit të energjisë për popullatën…
