Policia e Tiranës ka dalë me një njoftim zyrtar lidhur me gjendjen shëndetësore të pesë personave të plagosur sot me thikë në një xhami tek rruga e Kavajës. Ngjarja ndodhi te xhamia ‘Dine Hoxha’ dhe pesë personat e plagosur janë: Donald Koçi, rreth 35 vjeç, Saba Peposhi, rreth 22 vjeç, Mariglen Konja, rreth 24 vjeç, Kleon Jaupaj, rreth 26 vjeç dhe Anri Tola, rreth 23 vjeç.
Të pesë të plagosurit janë transportuar në spital, ku kanë marrë ndihmën mjekësore. Ata kanë dëmtime në gjymtyrë për shkak të përleshjes, por jo dëmtime në organet kryesore.
Siç shihet te fotoja më poshtë, autori ka përdorur një thikë buke për plagosjen e pesë personave.
Mësohet se autori, Rudolf Nikolli po kërkohej nga policia. Jo më larg se një muaj më parë, 34-vjeçari ka plagosur një tjetër person në terminalin e autobusëve të veriut në dalje të Tiranës.
Sipas njoftimit të Policisë së Shtetit për ngjarjen e ndodhur pak më parë, u bë me dije se gjithçka kishte nisur si shkak i konflikti verbal.
