Aksident në Elbasan/ Makina del nga rruga dhe përfundon në përrua, dy të plagosur.
Një aksident me dy të plagosur është regjistruar sot në Elbasan. Ngjarja ndodhi në aksin Elbasan-Funar ku një automjet ka dalë nga rruga duke përfunduar në përrua dhe për pasojë dy persona janë plagosur.
Mësohet se të plagosurit janë transportuar me urgjencë në spital, ndërsa një prej tyre ndodhet në gjendje të rëndë për jetën.
Deri më tani nuk dihen rrethanat e ngjarjes në fjalë, ndërsa policia ndodhet në vendin e aksidentit.
