Vdiq duke mbledhur bukë për 2 fëmijët, avokati prek me dedikimin për 25-vjeçarin: Duart e tij ishin me kallo, por…
Një 25-vjeçar ka ndërruar jetë ditën e sotme në Tiranë pasi ra në kontakt me rrymën elektrike. Viktima, i identifikuar si Amarildo Basi, humbi jetën mesditën e sotme në zonën e Lanabregasit.
Avokati Adriatik Lapaj ka publikuar një foto me të ndjerin të cilin e njihte. Lapaj shkruan se Amarildo vdiq duke mbledhur bukë për 2 fëmijët e tij dhe ishte dinjitoz
“Të Zotit jemi te ai do kthehemi. Sot paska qenë ditë e trishtë për mua! Amarildo ishte shoku im. Popo shoku im. Ishte fukara, mblidhte hekura, jetonte me dinjitet. E njoha në rrethana të trishta. Bashkë ndërtuam një banesë për familjen e tij. Nga ajo ditë Amarildo kudo më shihte në Tiranë me triçiklin e tij me të cilin mblidhte hekura ndalonte e më përqafonte. E doja Amarildon. Duart e tij ishin me kallo, por dinjitoze.
Sot e zuri korenti. Vdiq duke mbledhur bukë për 2 fëmijët e tij. Më pikëlloi.Zoti e pastë pranë vetes!”, shkruan avokati.