Njihuni me 23-vjeçaren që ka 11 fëmijë dhe ende nuk ‘ngopet’: Dua të kem 100.
Të kesh fëmijë mjaftueshëm për të ndërtuar një ekip futbolli mund të duket si një shaka, por kjo nënë e re milionere ka 11 fëmijë dhe është aq e varur nga të pasurit fëmijë, saqë dëshiron të paktën 100.
Nëna ruse Christina Ozturk, 23 vjeçe, tashmë po rrit 11 fëmijë të saj biologjikë dhe shpreson të ketë dhjetëra të tjerë duke përdorur nëna zëvendësuese.
Mamaja e re e do jetën familjare me burrin biznesmen Galip Ozturk, 56 vjeç, aq shumë sa çifti janë të gatshëm të shpenzojnë deri në 1.5 milionë dollarë për të pasur 100 bebe me zëvendësim, raportojnë mediat e huaja.
“Për momentin, unë kam 11 fëmijë, e fundit Olivia, e cila mbërriti në fund të muajit të kaluar,” tha Christina.
“Unë kam lindur vetë vajzën time të madhe Vika, gjashtë vjet më parë. Fëmijët e tjerë janë gjenetikisht tonët nga burri im dhe unë, por u mbartën nga nëna zëvendësuese,” shtoi ajo.
