Krim i rëndë në familjen shqiptare në Gjermani, 48-vjeçari vret kunatën dhe plagos vëllain në sy të fëmijëve.
Një ngjarje e rëndë ka ndodhur në një familje shqiptare në Gjermani.
Bëhet me dije se një 48-vjeçar nga Kosova ka vrarë kunatën e tij 33-vjeçe dhe ka plagosur vëllan 38-vjeç.
Mediat gjermane raportojnë se gruaja vdiq rrugës për në spital, pasi nuk arriti tu rezistonte plagëve të marra. Mësohet se 48-vjeçari, autori i ngjarjes kishte shkuar në banesën e ish-bashkëshortes dhe aty gjendej vëllai i tij dhe kunata.
48-vjeçari kishte tentuar të hynte në banesën e ish-bashkëshortes, por vëllai nuk e kishte lejuar. Më pas ai ishte larguar kishte marrë armën dhe ishte kthyer sërish duke kryer kështu aktin tragjik.
Dëshmitarët e ngjarjes u shprehën se fëmijët e të ndjerës ishin në banesë dhe se panë të gjithë ngjarjen dhe ishin të tronditur. 48-vjeçari nga Kosova u arrestua nga policia.