Skena paniku ndodhën në një treg publik në Kalambaka, Greqi mesditën e së premtes (21/10), ku një 80 vjeçare ka ndërruar jetë.
Sipas media greke ERT, ngjarja tragjike ndodhi kur bashkëshorti i gruas fatkeqe – shitëse në tregun publik, mori kamionin e tij bujqësor për të ngarkuar produktet që i kishin mbetur në banak.
Mirëpo, siç pretendon ai humbi drejtimin e mjetit bujqësor, e për pasojë përplasi dhe tërhoqi zvarrë me makinë të shoqen, djalin e tij dhe 2 kalimtarë rastësorë.
80-vjeçarja ndërroi jetë në mënyrë tragjike, ndërsa tre persona të tjerë kanë mbetur të plagosur.
Në vendngjarje ndodhen forca të shumta policie, ndërsa pak më herët autoambulancat e EKAB kanë transportuar gruan fatkeqe si dhe tre të plagosurit për në Spitalin e Trikalas.
“Kam vrarë gruan time” ka bërtitur në panik autori i ngjarjes , sipas dëshmitarëve okularë të cilët theksuan se burri është i tronditur nga ngjarja.
Foto nga vendi i ngjarjes:
