Një ngjarje e rëndë ka ndodhur në Itali ku një vajzë është përdhunuar nga një grup djemsh, pas një feste ku këta të fundit kanë organizuar.
Mediat italiane shkruajnë se denoncimin e ka bërë viktima në politi, ndërsa babai i saj u paraqit së bashku me 4 përdhunuesit e dyshuar, ku tha se vajza e tij ka qenë e dehur.
“Vajza ime ju tha disa fakte të pavërteta, ajo ishte e dehur dhe për këtë arsye ajo nuk ishte në gjendje të kuptonte se çfarë po ndodhte. Këta janë djem të mirë, dëmtimet që vajza ime ka në krahë janë për shkak të miqve të saj që përpiqen ta sjellin në shtëpi, por ajo ishte e dehur dhe po rezistonte”, tha babai para policëve.
Deklarata shokuese e babait të 18-vjeçares ka pasur reagime të ndryshme. Disa spekulojnë se ai është kërcënuar, por ka edhe nga ata që e shohin si një përpjekje për të mbrojtur emrin e mirë të familjes. Policia po merret me hetimet, për zbardhjen e plotë të rrethanave të ngjarjes së rëndë.
