Një ndërhyrje e pazakontë është realizuar dje në Klinikën e Gastroentetologjisë në Kosovë.Një 33-vjeçari i është hequr nga barku telefoni, pasi e kishte gëlltitur katër ditë më parë.
Lajmi u konfirmua nga mjeku i cili tha se fillimisht nga barku i 33-vjeçarit u nxorën kapakët e telefonit e më pas bateria, pasi kjo e fundit konsiderohet më e rrezikshme.
Mjeku shtoi më tej se për nxjerrjen e telefonit është punuar dy orë.
“Më thirrën për një rast, ishte një person që kishte gëlltit një trup të huaj, u desht të bëhet gastroskopia me urgjencë, kur hynëm në lukth e pam që ishte telefoni i ndarë në pjesë tri pjesë. Një pjesë ishte kapaku i përparshëm dhe i pasmi i plastikës, plus bateria brenda. Hyjmë me pajiset që i kemi këtu, njëherë e nxorëm një pjesë, mandej pjesën tjetër, në fund e nxorëm edhe baterinë, nga të gjitha këto pjesë bateria është më e rrezikshmja sepse ajo pjesë ishte ajur dhe mund të shpërthejë. Mund të lëshojë materie kimike dhe mund t’i shpërthejë zorrët”, tha mjeku Teleku, raportojnë mediet në Kosovë.
