Një ngjarje e rëndë është regjistruar mëngjesin e 31 gushtit në Tiranë, ku si pasojë e një aksidenti – krejtësisht të pazakontë automobilistik, një 23-vjeçare ka gjetur vdekjen.
Gjithçka ka ndodhur në rrugën “Shaban Bardhoshi”, kur shtetasi D.T., gjatë drejtimit të automjetit të tij, ka humbur kontrollin dhe ka dalë nga rruga, duke hyrë në oborrin e një banese.
Pikërisht aty gjendej shtetasja M.S., 23-vjeçare, e cila u përplas nga mjeti në oborrin e shtëpisë së saj.
Ajo mori dëmtime të shumta dhe u dërgua drejt spitalit, ku më pas ndërroi edhe jetë.
Policia arrestoi më vonë autorin, i cili ishte nën efektin e drogës kur ndodhi aksidenti.
“U arrestua në flagrancë shtetasi Sajmir Thaçi, 40, banues në Tiranë,, sepse në rrugën “Shaban Bardhoshi”, duke drejtuar nën efektin e lëndëve narkotike, mjetin tip “Audi”, ka humbur kontrollin e mjetit, duke u përplasur me portën e një banesë dhe ka hyrë në oborin e banesës, ku ka aksidentuar shtetasen Marjana Sahitaj, 25 vjeçe, banuese në Tiranë, e cila për pasojë ka ndrruar jetë në spitalin e Traumës”, njofton policia.
