Vdekje e dyshimtë, gjendet pa shenja jete një 60-vjeçar në rrugën ‘Mark Isaku’.
Një person është gjetur i vdekur në Prishtinë, konkretisht në rrugën “Mark Isaku”.
Lajmin e ka bërë zëdhënësi i Policisë së Kosovës për Rajonin e Prishtinës, Agron Borovci.
Ai ka thënë se policia ka marrë informacion rreth orës 18:40 se një person është parë i shtrirë në tokë në rr.”Mark Isaku” dhe menjëherë policia ka dalë në vendngjarje, shkruajnë mediat e Kosovës.
Pas kontrollit mjekësor, është konfirmuar se personi është pa shenja jete. Viktima është i gjinisë mashkullore, rreth 60 vjeç.
“Aktualisht ka nisur hetimi për rrethanat qe karakterizojnë ngjarjen”, tha Borovci.
