69-vjeçarja Lumturie Zaimi e cila ndërroi jetë mesditën e sotme në banesën e saj në Asir, e cila u përfshi nga flakët, dyshohet se mund të jetë vrarë. e Policia e Shtetit ka shoqëruar në komisariat gjashtë familjarë të të ndjerës. Konkretisht tre gra dhe tre burra, identitetet e të cilëve nuk bëhen ende me dije, po merren në pyetje në lidhje me ngjarjen në fjalë që dyshohet se nuk ka qenë aksidentale.
Nuk dihen ende detaje në lidhje me dëshmitë e familjarëve të Zaimit, por pritet që të zbardhen në ditën pasardhëse. Trupi i pajetë është transportuar drejt morgut për ekspretizë mjeko-ligjore me qëllim përcaktimin e shkakut të vdekjes.
Lumturi Zaimi u gjet nga e bija në banesën e ndodhur në rrugën ‘Loni Ligori’ në Astir. Ajo dyshohet se u asfiksua pas zjarrit që ka nisur nga batanija elektrike. Ka qenë vajza e të ndjerës ajo që është future në banesë dhe e ka gjetur të ëmën e pajetë dhe ka njoftuar autoritetet.
