Pesë punonjëse të një fasonerie në Durrës kanë përfunduar me shenja helmimi në spital. Gazetari Leonidha Musaj bën me dije për abcnews.al se punonjëset janë paraqitur në spital me simptoma tipike të helmimit si marrje mendësh, të vjella dhe dobësi.
Dyshohet paraprakisht se punonjëset të jenë helmuar nga materialet toksike të përdorura në fasoneri gjatë punës.
Mësohet se punonjëset janë jashtë rrezikut për jetën, ndërsa janë duke u kryer inspektime në ambientet e fasonerisë për të kuptuar shkakun real të helmimit të tyre.
Sëfundmi në lidhje me ngjarjen ka reaguar edhe policia, e cila konfirmon se punonjëset janë nën kujdesin e mjekëve.
Durrës/Informacion paraprak
Mesditën e sotme janë paraqitur në spitalin e Durrësit, shtetaset O. A., 41 vjeçe, A. R., 26 vjeçe, M. Xh., 30 vjeçe, A. Gj., 35 vjeçe dhe J. K., 38 vjeçe, të cilat dyshohet se janë helmuar në ambientet e punës, në një firmë në autostradën Durrës-Tiranë. Aktualisht ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes
