Dosja / Oligarku Shkëlqim Fusha i dha në hotel 140 mijë euro hetuesit që e mori në pyetje
Zbatimi i ligjit të Vetingut po nxjerrë pjesërisht në pah se si oligarkët kanë korruptuar prokurorët dhe gjyqtarët, për t’i shpëtuar ndëshkimit për përvetësimin masiv të parave dhe pasurive publike, në bashkëpunim me pushtetarë të korruptuar.
Oligarku Shkëlqim Fusha i ka dhënë prokurorit Emror Kasaj 140 mijë euro pasi Kasaj e kishte marrë në pyetje Fushën për një aferë të dyshuar financiare.
Në atë kohë Kasaj ishe oficer i policisë gjyqësore. Kur Kasajt i ka dhënë 140 mijë euro, i cili në fund të fundit ishte në varësi të prokurorit, imagjinoni se sa mund t’u ketë dhënë prokurorëve dhe gjyqtarëve, për t’i shpëtuar veprimit të ligjit.
Këto detaje dolën në pah gjatë procesit të Vetingut të Emror Kasajt, sot prokuror në Gjirokastër, i lakuar për afera dhe skandale nga më të ndryshmet.
I pazakontë është fakti që Emëror Kasaj, rrëfeu vetë që Fusha i kishte dhënë 140 mijë euro, në përpjekje për të justifikuar pasuritë e deklaruara.
Por, Kasaj tha se Fusha ia kishte dhënë paratë hua. Një i dyshuar për aktivitet të paligjshëm i jep hua oficerit të policisë gjyqësore që ka marrë në pyetje! Ja kjo është drejtësia shqiptare.
Komisioni i Vetingut vuri në dukje se kjo është një sjellje e Kasajt e papajtueshme me detyrën, pasi rezultoi se ai kishte kryer veprime hetimore, përfshi një marrje dëshmie të Fushës.
Por, prokurori Kasaj tregoi se 90 mijë euro i kishte marr cash nga Fusha te ish hotel Sheratoni, ndërsa pjesën tjetër prej 50 mijë eurosh në një moment të dytë.
Ky është një rast unik që një personazh i drejtësisë tregon se si është ‘blerë’ nga oligarku Shkëlqim Fusha.
