Nga Vladimir Muçaj:
Në Shqipëri siç thuhet në zhargonin popullor shumica dërmuese e politikanëve e kanë ngrënë turpin me bukë! Nuk e kanë për gjë hiç as kur i kritikon as kur lakohen për vjedhje e lloj lloj aferash e maskarallëqesh! Aktin e dorëheqjes për punët që nuk u ecin rrallë kush e ka zakon ta kryej. Kemi “raste” dorëheqje të tipit Berisha i cili iku po u bë “pishman” duke u rikthyer e duke bërë sallat kashtë e koqe opozitën shqiptare. E megjithatë na erdhi një dorëheqje politikani. Enkelejd Alibeaj fill pas rezultatit negativ në shifra në zgjedhjet lokale iu tha të vetëve dhe publikut “Po jap dorëheqjen nga drejtimi i PD-së zyrtare”! Ky është një akt politik dhe qytetar po ashtu. Kjo dorëheqje i hap rrugë një analize të thellë të problematikës politike brenda politikës partiake dhe jo vetëm! E vlerësoj këtë hap të këtij politikani të ri duke shpresuar në të njëjtin xhest tek të vjetërit e politikës në plotkuptimin e fjalës!
