Protestuesit kundër djegies së një Kurani nga mbështetësit e ekstremit të djathtë në Suedi janë përplasur me policinë gjatë disa orëve trazira.
Makinave iu vu zjarri dhe vitrinat e dyqaneve u dëmtuan gjatë përleshjeve në qytetin jugor të Malmö. Protesta u mor nën kontroll nga policia, ndërsa u shoqërua edhe me arrestime.
Më herët të premten, policia ndaloi politikanin danez të ekstremit të djathtë Rasmus Paludan, i cili mori pjesë në tubimin e djegies së Kuranit.
Policia suedeze e ktheu z. Paludan përsëri në kufi, duke thënë se kishte një ndalim dy-vjeçar të hyrjes për të.
Kreu i partisë daneze të ekstremit të djathtë Stram Kurs (Linja e fortë) iu dha një muaj burg për një varg veprash, përfshirë racizmin në Danimarkë në fillim të këtij viti.
Ai u dënua për postimin e videove anti-islamike në kanalet e mediave sociale të partisë së tij.
