Detaje të reja janë zbuluar nga krimi i dyfishtë në familje, mbrëmjen e sotme në Divjakë, ku Hekuran Rrasa vrau me armën e gjahut bashkëshorten Fëllënxa Rrasa dhe më pas vrau edhe veten.
Ka qenë djali i çiftit, fëmija i vetëm i tyre, i cili i ka gjetur prindërit e vdekur në banesë dhe më pas ka njoftuar policinë.
Burime nga Policia e Lushnjës bëjnë me dije se çifti nuk ka pasur probleme dhe zënka të mëparrshme me njëri-tjetrin, ndërsa dyshohet se ngjarja ka ndodhur pas një konflikti të çastit.
Policia ka sekuestruar armën e krimit në banesë, ndërsa po punon për zbardhjen e kësaj ngjarjeje të rëndë.
