Jemi mësuar ta shohim tepër aktive në jetën politike dhe aktivitetet parlamentar, por deputetja e Partisë Socialiste së Qarkut të Fierit, Antoneta Dhima është kthyer edhe në një pikë referenca sa i takon punës së saj si ligjvënëse. Gjatë gjithë këtyre viteve zonja Dhima ka spikatur me personalitetin e saj intelektual dhe njerëzor, ndërsa 24 orë në 24 orë, ajo është në shërbim të qytetarëve dhe zonjës së saj elektorale kryesisht të qarkut të Fierit e sidomos Patosit. Nuk është as elozhe apo fjalë me tendencë superlativa, por deputetja Dhima gjatë gjithe kohës gjendet pranë njerëzve të thjeshtë e të zakonshëm, duke dëgjuar hallet e shqetësimet e tyre dhe orientuar për zgjidhje. Sa modeste është zonja Dhima, pasi e gjen kudo në çdo cep të zonës së saj elektorale me fermerët, me veteranët, me mjekët dhe infermierët, me mësuesit dhe nxënësit, në pritje me qytetarët, me drejtuesit rajonal e vendor, në komisione parlamentare, në seanca plenare, e kudogjendur, e kudondodhur dhe e palodhur në punën e saj. Madje, deputetja e Patosit është edhe një nga promovuesit më të mëdha të Shqipërisë dhe atraksioneve të saj turistike. Kjo është deputetja e PS, Antoneta Dhima.
Ja disa nga takimet e ditëve të fundit të zonjës Dhima, që vetë deputetja i ka ndarë në profilin e saj në rrjetin social “Facebook”:
1: Takim me drejtorin e Agjencisë Shtetërore të Kadastrës Fier, Ervin Bushi sa i takon shqetësimit të qytetarëve dhe ecurisë se procesit te legalizimeve
“Një nga prioritetet e Qeverisë Shqiptare ka qenë dhe mbetet legalizimi, urbanizimi, hipotekimi i objekteve e pronësisë mbi truallin si dhe tokën bujqësore.
Ndryshimet ligjore të miratuara nga Kuvendi si dhe Vendimet e Këshillit të Ministrave të miratuara po zgjidhin çdo ditë kaosin e krijuar ndër vite për pronat si dhe krijimi i Agjencisë Shtetërore të Kadastrës i cili bëri të mundur që të shkrihen tre institucione, legalizimet, hipotekat dhe agjencia e pronës ka shmangur sorollatjen e qytetarëve dhe harxhimin e kohës për zgjidhjen e problemeve.
Sipas informacionit të marrë ditën e sotme nga drejtori i Agjencisë Shtetërore të Kadastrës Fier zoti Ervin Bushi është punuar për përfundimin e proçesit të legalizimit të objekteve të deklaruara nga qytetarët si dhe certifikimin e objekteve të cilat janë legalizuar në Bashkinë Patos.
Agjencia Shtetërore e Kadastrës Fier po vijon intensivisht punën edhe për certifikimin e të gjitha objekteve / shtesave pa leje për të cilat është miratuar leja e legalizimit.
Gjithashtu Agjencia Shtetërore e Kadastrës Fier ka filluar punën dhe me shqyrtimin e kërkesave për kalimin në pronësi të objekteve dhe trojeve të tyre funksionale, të cilët janë ndërtuar para vitit 1991. Ndërsa për hipotekimin e ndërtesave të tjera si dhe tokës bujqësore vijon procesi i regjistrimit sipas aplikimeve të bëra nga qytetarët.
Qytetarët e Njësive Administrative Patos, Zharrëz dhe Ruzhdie janë njoftuar nga ana e Agjencisë Shtetërore të Kadastrës Fier për tërheqjen e lejeve të legalizimit pranë Agjencisë si dhe për t’u paraqitur pranë zyrave ADISA për kryerjen e pagesës për hipotekimin e objekteve të legalizuara dhe rezulton se qytetarët nuk janë paraqitur dhe nuk i kanë kryer procedurat ligjore.
Personeli i kësaj agjencie së bashku me drejtuesin e Agjencisë Shtetërore të Kadastrës Fier, zotin Ervin Bushi janë të angazhuar maksimalisht për ndjekjen dhe përfundimin e procesit të legalizimit , regjistrimet e ndërtesave si dhe tokës bujqësore.
Jemi në komunikim dhe bashkëpunim të vazhdueshëm me drejtuesin e kësaj agjencie për të adresuar dhe zgjidhur problemet e shqetësimet e komunitetit.
#AgjenciaShtetëroreEKadastrësFier#
#MeNjerëzitDhePërNjerëzit#”, shkruan deputetja Dhima në “Facebook”.
2: Takim me drejtuesen e Zyrës Vendore Arsimore Patos, Zamira Velmani për vitin e ri shkollor.
“Gati për një shkollë të sigurt!
Ditën e sotme zhvillova një takim pune me Drejtuesen e Zyrës Vendore Arsimore Patos zonjën Zamira Velmani për të marrë një informacion mbi masat e mara për fillimin e vitit të ri shkollor 2020 – 2021.
Në 9 shkollat e mesme dhe 9-të vjeçare të cilat administrohen nga kjo zyrë është bërë sistemimi i klasave me distance 1.5 m largësi ku 3 shkolla do vijojnë mësimin me një turn dhe 6 shkolla me 2 turne.
Nga ana e pushtetit vendorë po merren masat për piketimin e distancimit fizik, për sigurimin e ujit dhe energjisë elektrike si dhe dezinfektimin e ambienteve të jashtme e të brendshme detyrim i cili do të jenë në mënyrë periodike.
Në kushtet kur ky vit shkollorë do të filloj të zhvillohet në kushte të veçanta për shkak të situatës së pandemisë COVID-19 është shumë e domosdoshme që nga të gjithë nxënësit, prindërit, mësuesit dhe institucionet të zbatohet me rigorozitet udhëzimi i Ministrisë së Shëndetësisë dhe Mbrojtjes Sociale si dhe të zbatohen me përpikmëri rregullat e thjeshta, por shumë thelbësore për shëndetin e fëmijëve të cilat do ndihmojnë në frenimin e përhapjes së COVID-19:
- Ruani distancën fizike prej 1,5m nga të tjerët.
- Lani shpesh duart me ujë dhe sapun ose dezinfektojini.
- Përdorni këndin e brrylit kur kolliteni apo teshtini.
- Evitoni prekjen e hundës, gojës apo syve.
- Evitoni prekjen me dorë të maskës, kujdesuni ta hiqni duke e kapur tek lidhëset dhe hidheni atë menjëherë në kosh”, shkruan deputetja Dhima në “Facebook”.
3: Deputetja Dhima promovon Parkun Kombëtar të Butrintit
“Një destinacion tjetër turistik i cili duhet vizituar është edhe Parku Kombëtar i Butrintit me amfiteatrin e tij i cili është nga më të bukurit në Ballkan.
Duke patur parasysh rëndësinë e tij si dhe për të ruajtur trashëgiminë kulturore dhe arkeologjike, Butrinti prej vitesh është bërë pjesë e Listës së Trashëgimisë Botërore të UNESCO-s. Ju ftoj ta vizitoni Parkun Kombëtar të Butrintit”, shkruan deputetja Dhima në “Facebook”.
Shperndaje lajmin
