Me mirënjohje dhe nderimet më të larta dua të falenderoj qytetarët e qarkut Lezhë për mbështetjen e pakushtëzuar sidomos që nga 2021 e deri më sot!
Çdo betejë e kam fituar me punë, ndershmëri dhe përkushtim, dhe ashtu do të ndodhë edhe në finalen e 11 majit! Me mbështetjen tuaj do të jem në Kuvend për të përfaqësuar jo vetëm demokratët, por edhe ata që ende nuk e shohin veten të përfaqësuar. Për një ekonomi më të mirë, për familjet shqiptare dhe për luftën ndaj korrupsionit!
Sepse kush me njeh mua, më njeh si simbol i njeriut të pakorruptueshëm!
Partisë Demokratike sot i duhet ndihma e të gjithëve pa përjashtim!
Ashtu siç më ndihmuat në 2021 jam i bindur se në çdo derë që do të trokas në Kurbin, Lezhë e Mirditë do të gjej mikpritje e qytetarët do të bashkohen me programin e Partisë Demokratike- Aleanca për Shqipërinë Madhështore.
Për mua nuk ka pasur dhe nuk do të ketë privilegj më të madh sesa të jem përfaqësuesi i banorëve të Kurbinit, Lezhës e Mirditës dhe të vazhdoj t’ju përfaqësoj me dinjitet dhe vendosmëri!
Zoti na priftë të mbarën!
