U gjetën të copëtuar në tre valixhe, del përgjigja e ADN-së: Njëri nga viktimat është Shpëtim Pasho.
Autoritetet italiane kanë nxjerrë përgjigjen e ADN-së për pjesët e trupit të një çifti që u gjetën në tre valixhe.
Të gjitha dyshimet dhe bazuar në provat e gjetur në vendngjarje tregonin se mund të ishte çifti shqiptar, Shpëtim dhe Teuta Pasho, 54 dhe 52 vjeç, të cilët ishin zhdukur që nga viti 2015.
Policia italiane dyshon se vrasja e çiftit shqiptar mund të ketë lidhje me djalin e tyre, i cili ndodhet në arrati pasi është dënuar për trafikim të lëndëve narkotike.
Ditën e sotme është konfirmuar nga AND, se njëri prej trupave është pikërisht Shpëtim Pasho.
Pritet akoma ADN-ja e trupit të gruas që u gjet në valixhe, por me shumë mundësi ajo do të jetë bashkëshortja e Shpëtim Pashos, Teuta.
