Flet Mehmeti Dauti, pronar i “Elidon-06 shpk”: Ja cilat banda më kanë uzurpuar biznesin e kromit në Has; drejtësia të veprojë
Bisedë me një biznesmen, rreth denoncimit të tij, për batërdinë që bëhet në minierën e kromit “Vllahna” biznes i tij, por shfrytëzohet nga individë e grupe të pa licensuar, që kanë “bekimin” dhe mbrojtjen e drejtuesve në segmente sipërore të pushtetit, politikës e policisë, të cilët ushqehen prej tyre me rryshfete; e për fat te keq, nuk po preken as nga drejtësia e re
Denoncimi i ardhur në “Pamfleti”, nga biznesmeni Mehmet Dauti, administrator i firmës “Elidon-06 shpk”, me aktivitet në minierën e kromit “Vllahna Lindore-Has”, është rast tipik i përlyerjes së disa drejtuesve shtetëror, në afera korrupsioni e krimi me individë e grupe të fortësh, të lidhur me politikën, policinë e drejtësinë.
Ja biseda me administratorin e firmës minerare “Elidon-06” shpk, Mehmet Dauti:
Pyetje: – Zoti Dauti, më konkretisht, cili është shqetësimi juaj i përmbledhur?
Përgjigje: – Jam licensuar nga AKBN (ministria) dhe e kam lejen në fuqi për firmën “Elidon-06 shpk”, për aktivitetin: nxjerrje, përpunim e eksport kromi, nga miniera “Vllahna-Has”.
Por nuk po e ushtrojë dot biznesin tim minierar, për shkak se disa individë shqiptarë e të huaj (indianë, kinezë etj), më kanë uzurpuar forcërisht zonën minierare; dhe me presione deri familjare, nuk po më lejojnë të ushtrojë aktivitetin e licensuar, por e shfrytëzojnë vetë ata.
Pyetje: – A keni bërë ju, investime në atë minierë, për të cilën jeni licensuar?
Përgjigje: – Po, kam bërë investime të shumta fianciare teknologjike, me vlera të mëdha financiare, si fazë përgatitore për projektet-studimin e shfrytëzimit, sipas detyrimit të licensës,
Pas përfundimit të investimit e pas 3 vitesh shfrytëzim, minierës iu vërsulën me bllokime e zaptime fizike, disa persona të tjerë, të cilët njihen për kësi aktesh në krejt sektorin e kromit.
Pyetje: – A e di shteti këtë fakt; dmth, AKBN-ja, ministria, bashkia, tatimet, doganat e policia?
Përgjigje: – Këto struktura të shtetit e njohin me detaje këtë rast, sepse i kam vënë zyrtarisht në dijeni, me prova filmike e dokumente; por nuk kanë vepruar, mbasi janë bërë palë përfitimesh korruptive me uzurpuesit dhe dhunuesit e biznesit e familjes time.
Pyetje: – A mund të thoni, se cilët janë ata individë apo grupe, që zhvasin mineral kromi pa licensë, në zonën për të cilën është licensuar e taksohet firma juaj “Elidon-06 shpk”?
Përgjigje: – Janë 12 individë, ose më saktë 12 banda të bashkuar edhe me eksponentë krimi e trafiqesh, që më kanë bllokuar aktivitetin e sulmuar edhe fizikisht; të cilat nën përgjegjësinë time ligjore, po i përmend me emra:
– Firma “Ciceroni” (Ilir Zhilla); “Myha Eksport-Import (Ismail Kovaçi); “Koldashi Chrome” (Petrit Koldashi);”Euro Chrome” (Bukurosh Koçi); “Fabrikë Pasurimi Kromi Perollaj (Artur Marku); “sara Albania” (Fatos Kërçiku); “IMI sh.a” (Akin Atik-indian); “Cahani” (Xhavit Cahani); “Info Metal Plast AL” (Besnik Istrefi) dhe “EMMA Chrom 2011” (Azem Gradica).
Pyetje: – Po kromin që grabisin pa leje minerare në atë zonë, si e transportojnë e eksportojnë?
Përgjigje: – Këtë vjedhje e kontrabandë kromi, vazhdojnë ta bëjnë me lejen e vetë kupolës së pushtetit (kryebashkiakë, deputetë e ish-deputët të çdo ngjyre, ministra, drejtorë tatimesh e doganash e kryepolicë aktual e ish kryepolicë); të cilët i mbështesin këta tipa e grupe krimi, duke shpërfillur totalisht të drejtën time.
Pyetje: – Po institucioneve të drejtësisë së re, ai i keni kërkuar zgjidhje të këtij shqetësimi?
Përgjigje: – Po. Pas shpërfillejs që më ka bërë drejtuesit e prokurorisë rajonale, ish-drejtuesit e Prokurorisë së Përgjithshme A. Llalla e A. Marku dhe Ish-Prokurorja e Krimeve të Rënda, D. Prela e paradhësi i saj; i jam drejtuar kryeprokurorit të ri, Olsian Çela dhe kreut të SPAK.
Pyetje: – Cilat kanë qenë reagimet e tyre?
Përgjigje: – Ligjërisht më kanë dhënë të drejtë, por duke me drejtuar tek Prokuroria e Kukësit, me argumentin se dosja është kompetencë për hetim atje; por prej 9 muajsh nuk ka reagim; ndërsa grupet që kam denoncuar vazhdojnë aktivitetin në minierë e kërcënimet ndaj meje.
Pyetje: – Çfarë hapash të tjerë keni bërë, përballë kësaj heshtje e shpërfilljeje?
Përgjigje: – Në fillim të kësaj jave, i jam drejtuar përsëri Kryeprokurorit Olsian Çela për ta informuar rreth mos-veprimit të Prokurorisë-Kukës; por dhe Ministres së Drejtësisë, Etilda Gjonaj, si dikaster mbikëqyrës i këtyre instituocineve; dhe sipas përgjigjeve do veprojë në vijim. /Pamfleti