Një e moshuar është infektuar me Covid-19, prej disa ditësh 88 vjeçarja ishte karantinuar dhe mbahej në trajtim ndërsa ditën e sotme gjendja e saj është përkeqsuar duke humbur dhe jetën rrugës për në spitalin Infektiv
Mësohet se e moshuara nga qyteti i Pogradecit ishte konfirmuar me Covid disa ditë më parë, ndërsa sot po transportohej drejt Elbasanit e më pas do të vinte në spitalin Infektiv për tu mbajtur nën kujdes të shtuar shëndetësor. Por rrugës për në spital ajo ka ndërruar jetë brenda autoambulancës.
Identiteti i saj nuk bëhet me dije, ndërsa pritet njoftim zyrtar nga Ministria e Shëndetësisë. Trupi i 88 vjeçares ndodhet në morgun e Spitalit të Elbasanit.
