Në Shqipëri vazhdon të ketë shtim të rasteve me koronavirus, ndërsa raportohet se COVID-19 është futur edhe brenda institucioneve të Shtetit.
Mësohet se pesë punonjës kanë rezultuar pozitiv me COVID-19 në Bashkinë e Tiranës.
Sipas burimeve të SHQIP, 2 nga të infektuarit janë punonjës të policisë bashkiake dhe 3 të tjetër janë punonjës të IMT.
Koronavirusi futet edhe në bashkinë e Pogradecit dhe Bibliotekën Kombëtare
Pak më herët u raportuar edhe për një të infektuar në Bashkisë Pogradec. Kjo ka bërë që të izolohen edhe një pjesë e stafit në Drejtorinë e Mbrojtjes dhe Kontrollit të Territorit në këtë bashki.
Tre të infektuar u raportuan edhe në Bibliotekën Kombëtare. Pas konfirmimit të rasteve, u bë edhe dezinfektimi I ambienteve të bibliotekës, e cila vizitohet nga disa lexues besnikë.
96 të infektuar në 24 orët e fundit
Ministria e Shëndetësisë njoftoi se në 24 orët e fundit janë kryer 451 testime, prej ku janë konfirmuar 96 raste pozitive. Situata në Spitalin Infektiv vazhdon të jetë shumë serioze, ku gjatë 24 orëve të fundit kanë humbur jetën edhe dy pacientë, duke e çuar në 97 numrin total të viktimave.
