Zv. ministrja e Shëndetësisë, Mira Rakacolli, e ftuar në emisionin “FrontLine”, në “News 24” të gazetares Marsela Karapanço, foli mbi situatën e pandemisë në vend. Gjatë fjalës së saj, Rakacolli tha se COVID-19 është një sëmundje e re dhe përmban ende shumë të panjohura. Ajo theksoi se bëhet gjurmimi epidemiologjik, bërja e testeve COVID, si dhe foli për situatën e pandemisë në Shqipëri krahasuar me vendet e tjera të rajonit.
Rakacolli nënvizoi se Shqipëria, ka një mesatare të mira sa i përket numrit të infektuarve për 100 mijë banorë, e në këtë drejtim sipas saj, vendi është më mirë se Kosova, Serbia apo Maqedonia e Veriut.
Gjithashtu, Rakacolli citoi se gjatë dy javëve të fundit po vihet re një ulje e vogël e infektimeve dhe kjo sipas saj është një shenjë e mirë.
“Duhet të gjithë ta kuptojmë, pavarësisht nga durimi, gjërat duhen në kohën e vet. COVID-19 është sëmundje e re dhe nuk dihet plotësisht se si është ajo. Nuk dihet nëse ky virus lë një imunitet të përjetshëm. Numri është i vogël, por ka raste njerëzish që e kanë kaluar njëherë infeksionin dhe po e kalojnë për herë të dytë. Nuk ka shenja që e dallon nëse ai është infektuar nga ndonjë mutacion i ri, kjo dallohet nëse ke dyshime dhe verifikohet në laboratorë të posaçëm. Të arrish në konkluzione të tilla, që janë vetëm shkencore, duhet të bësh ekzaminime. Duhen edhe një numër i konsiderueshëm njerëzish për të arritur në konkluzion. Për ne, qytetarët, ne duhet të mbrohemi dhe të mos e neglizhojmë, mbrojta është një lloj për të gjithë”, tha Rakacolli.
A duhet të kemi një rritje të numrit të tamponëve?
Mira Rakacolli: Strategjia e testimit është përcaktuar që nga fillimi, për rastet që kanë simptoma dhe raste të cilët nga kontakti epidemiologjik kanë kontakte të ngushta me personat e infektuar. Janë më shumë të shëruar se sa të shtruar. Ne nuk kemi pasur ndonjëherë situatë që sistemi ashtu siç është menduar të mos përballojë shtrimet. U bë një skenar nëse do të kalonin kapacitetet spitalore, edhe menjëherë në riparjen, u ka që kapacitetet po ezauroheshin, u hapën spitalet rajonale. U hapën ata, nëse nuk pakësohen numri i të infektuarve do të hapen ende spitale të tjera rajonale. Janë Korça e Vlora, vazhdohet më pas me spitalin e Fierit, Gjirokastrën, Beratin, Kukësin e Dibrën.
Shqipëria në raport me vendet e tjera Evropiane?
Mira Rakacolli: Gjërat nuk shihen me një ditë, shikohet tendenca, të paktën tendenca një javore ose dy javore. Në krahasim me rajonin, nuk ka nisur pandemia në të gjithë rajonin.
Kosova që kaloi dhe zgjedhjet nuk ka shifra treshifore
Mira Rakacolli: Epidemia nuk ka ndodhur në të gjitha vendet në të njëjtën ditë. Pandemia ka atë kurbën e vet dhe zhvendosjen e vet. Nëse ka pasur një valë t parë në Shqipëri, në një vend tjetër ka nisur më vonë. Ka një kurbë, nëse i referohesh sërish shifrave të OBSH, që flet për incidencën për 100 mijë banorë. Shqipëria është më mirë se mesatarja dhe këtu i referohemi javës së kaluar, ku u mblodh komiteti. Nga rajoni, qoftë Serbia, Maqedonia, Mali i Zi, Sllovenia, ishin me numër më të lartë rastesh për 100 mijë banor. Gjërat duhet parë në total. Po të shohësh rastet për 100 mijë banor, Kosova ka më shumë se sa ne. Krahasimet kështu bëhen, po i vendosim në të njëjtën emërues, numër rastesh për 100 mijë banorë, ne i kemi 58 për 100 mijë banor, vendet e tjera i kanë më të larta se sa ne. Krahasuar me javën e kaluar, kur morën në shqyrtim situatën, sot kemi tendencë ulje, ka vazhduar edhe këtë javë, është një ulje e vogël por e qëndrueshme, e duke qenë se është kështu them do të vazhdojë.
