Italia heq karantinën për shtetasit nga BE, ja çfarë do të ndodhë me Shqipërinë.
Italia ka vendosur që të heqë karantinë për personat të cilët udhëtojnë nga vendet anëtarë të Unionit, Britania e Madhe dhe nga Izraeli.
Për shqiptarët të cilët nuk kanë lejë-qëndrimi italiane dhe pasaporta të vendeve anëtare të Bashkimit Europian, do të qëndrojnë në fuqi kufizimet e deritanishme, ku lejohet hyrja vetëm për arsye të veçanta.
Duke filluar nga kjo fundjavë, jo vetëm Italia, por edhe Spanja ka nisur të hapë vendin gradualisht. Qeveria spanjolle vendosi që të hapë plazhet, pishinat dhe qendrat e tjera verore për argëtim.
Megjithatë, turizmi ende nuk është hapur plotësisht, pasi shtetet anëtarë të unionit janë në pritje të përfundimit nga Komisioni Europian të pasaportës së vaksinimit që lejon lëvizjen e lirë brenda hapësirës Shengen.
