Italia lejon shqiptarët të kalojnë! I vë bllokadë Serbisë, Malit të Zi dhe Kosovës: Vende me rrezikshmëri të lartë

ANSA, agjencia italiane e lajmeve, duke cituar ministrin e Shëndetësisë në Itali, shkruan se vendi fqinj ka futur Serbinë, Malin e Zi dhe Kosovën në grupin e vendeve me rrezikshmëri të lartë të pandemisë, ndërsa Shqipërinë nuk e ka përfshirë në listë.

Roberto Speranza, ministri italian u shpreh:

Kam nënshkruar rregulloren e re me të cilën Serbia, Mali i Zi dhe Kosova shtohen në listën e vendeve të rrezikshme. Ata që kanë qenë atje në 14 ditët e fundit, në ato territore” tha Speranza, “kanë ndalesë hyrje dhe transiti nëpër Itali.

Si një nga vendet më të goditura nga virusi vdekjeprurës, Italia e ka kaluar fazën kritike.

Ndër të tjera, ministri tha:

Epidemia është në fazën më të rëndë në të gjithë botën, “prandaj duhet kujdes maksimal në mënyrë që të mbrojmë përparimin që kemi arritur.

Urdhri i firmosur nga ministri sot, parashikon bllokimin e të gjitha rrugëve të kalimit me tre shtetet, me përjashtim të Shqipërisë.