Cila maskë ju mbron më mirë nga koronavirusi, cilën të zgjidhni dhe pse?

Tashmë është bërë primare përdorimi i maskës, sidomos në ambiente të mbyllura. Disa e anashkalojnë rëndësinë e saj, të tjerë mendojnë se maska është thelbësore në mbrojtjen nga koronavirus.
Shumë bëjnë pyetjen cila nga maskat na mbron më mirë dhe ku duhet të bazohemi për të ditur cilën të blejmë. Si fillim, këshillojmë që përpara se të blini maskën të keni parasysh nëse doni ta përdorni shumë herë ose një herë dhe së dyti të pyesni mjekun ose farmacistin se çfarë do t’ ju këshillonte. Në pamundësi për të sqaruar me njërin prej tyre ne do t’ iu sjellim rezultatet e një studimi të bërë për të ditur cilat maska e filtrojnë më mirë ajrin dhe janë në dobinë tonë.
Mesa duket maskat një përdorimshe janë ato që janë më pak filtruese ndaj ajrit. Ato janë për një mbrojtje kalimtare në pamundësi për të pasur diçka më të specializuar, ndërkohë që maska kirurgjikale janë ato që kanë mbrojtje më të mirë dhe filtrim shumë të mirë të ajrit, dhe na mbron më mirë nga virusi.
Për sa i përket maskave të bëra në shtëpi, maskat me tre shtresa janë më të sigurtat. Ndërkohë që zgjidhje të tilla si shalli, ose maska me një shtresë nuk janë efektive sepse ajri nuk filtrohet si duhet.
Mos harroni të lani maskat pas çdo përdorimi!