Bllokohet rruga në Gryk Çajë të Kukësit, shkak shembja masive e gurëve
Rruga që lidh qytetin e Kukësit me njësinë administrative Grykë Çajë është bllokuar për shkak të rënies së gurëve. Fshatrat Çaje, Shkinak, Fshat e Buzëmadhe ndodhen të izoluar.
Kryetari i bashkisë së Kukësit Safet Gjici ka kërkuar ndihmën e Emergjencave Civile për të bërë të mundur lirimin e rrugës, si dhe u ka bërë thirrje grupeve të ekspertëve nga Instituti i Gjeologjisë që të vlerësojnë situatën. Ekipet e mirëmbajtjes së rrugëve dhe emergjencave të bashkisë ndodhen në vendngjarje.
Poshtë rrugës së bllokuar ndodhen edhe banesa të Bushtricës por edhe rruga nacionale Kukës-Peshkopi.
