ERDHA TE PUTH NE BALLE
Erdha të të puth në ballë,
Të ndjej aromën edhe në gushë,
Aty ku mban veç era nënë,
Aty ku shpirti më digjet prush.
Erdha të marr me vete dhimbjen,
Të sjell ty nënë pak lumturi,
Mos ta humbasësh buzëqeshjen,
Të më shikosh me dashuri.
Jo, mos e humb ti nënë shkëlqimin,
Se dielli zbehet e hëna rrudhet,
Prej dhimbjes qielli pikon ca lotë,
O drita ime në këtë botë.!
Ah përqafimi me ty moj nënë,
Nuk ka as brigje, nuk ka as anë,
Është portë e hyrjes për në parajsë,
Është dashuria, dhembje, lot, qan.
Blerta Basha
4.Gusht.2024
