Një aksident i rëndë ka ndodhur sot në një autostradë në Kroaci, me bilanc tragjik, 11 viktima.
Sipas mediave vendase, një autobus me targa polake ka dalë nga rruga, si pasojë kanë mbetur të vdekur 11 persona, ndërsa 34 të tjerë janë plagosur .
“Sipas informacioneve të deritanishme, në aksident trafiku kanë humbur jetën disa persona dhe një numër i madh janë lënduar rëndë. Përveç policëve të UP-së së Varazhdinit dhe UP-së së Zagrebit, disa ekipe të Institutit për Mjekësi Emergjente nga Qarku i Varazhdinit. dhe Zagrebi, si dhe disa ekipe të zjarrfikësve, janë angazhuar në vendngjarje nga të dy qarqet”, deklaron policia.
