Përgatiti Ardian Suku:
Shëndeti i qytetarëve në rrezik/ Big Market i Vullnet Sinës shet produkte me krimba, NOVAL i Petrit Mahos i certifikon
Nuk kanë të ndalur skandalet ne Big Market-in e Vullnet Sinës, deputetit socislist që me një tufë parash i mbyll edhe gojën Petrit Mahos, laboratori të cilit ka marrë përsipër kontrollin dhe çertifikimin privatisht të ushqimeve. Sikur të mos mjaftonin hallet e panumërta të shqiptarëve në këtë kohë pandemie, qytetarët janë duke blerë dhe konsumuar produkte të prishura, të mykura dhe me krimba. Një nga supermarketet, i cili nuk do t’ia dijë fare për cilësinë e ushqimeve është edhe Big Market.
Ngjyra mavi e përbashkët e Mahos edhe Sinës, ka bërë që ta përkëdhelin pa masë njëri-tjetrin, pasi laboratori, i cili merr para pafund nga taksat e shqiptarëve, i bën qokën Big Marketit dhe kontrollet e certifikimet bëhen vetëm në letra, për të mos thënë që nuk bëhen fare, duke nxjerrë jashtë loje AKU-në, laboratorët e së cilës tashmë qëndrojnë vetëm për zbukurim. Së fundmi një qytetar ka denoncuar hapur, se ka blerë në Big Marketin e Sinës, produkt me krimba. Siç shihet edhe nga fotoja produkti është i mykur, ndërsa në anë të paketimit shihet edhe krimbi.
Qytetari thotë se e ka blerë në pikën e Big Market në zonën e “Vasil Shantos”, në Tiranë.
Mesazhi i plotë:
Prsh JOQ! Sapo u ktheva nga puna bleva disa gjera tek big market ketu ne vasil shanto. Doja te merrja dick ate shpejte, por sic e shihni, proshuta me krimba. Nuk u ankova sepse dhe ne lek nuk esht shume po thjesht doja ta nxirja tek ju se mu shpife kure e pashe se hengra dicka nga ai produkt doja ta nxirja me teper tek ju sepse me siguri dhe ata munde ta shohin dhe paralajmerim dhe per qytetaret e tjere, se esht gjynah nga zoti ca po hame. Flm
Ky nuk është rasti i parë që në rrjetin e supermarketeve Big Market shiten produkte të tilla të mykura, për më tepër që bëhet fjalë për një nënprodukt të përpunimit të mishit, të cilat rrezikojnë seriozisht shëndetin e konsumatorëve. Përveç rrjepjes së konsumatorëve, Big Market i Vullnet Sinës duket se tashmë ka bërë ndërmend edhe të rrezikojë shëndetin e konsumatorëve, përmes shitjes së produkteve pa i kontrolluar më pare te Petrit Maho i Taulant Ballës.
